بسم الله الرحمن الرحيم
مقدمه
سوف نجد فى هذه القصه حب وعذاب وقتل وحرمان وجرح وقسوه
حب نهايته العذاب
وقتل نهايته حرمان
وجرح سببه القسوه
وفى النهايه هل سيكون النصر للحب او لقاتل الحب
تابعوا معنا حلقه جديده كل يوم
بداية القصه
تكونت اسره سعيده وهى اسرة( محمود) وتتكون من محمود وزوجته نور وابنه سيف كان عمرى سيف 4سنوات
كان محمود يعمل محاسب
وتعمل نور محاميه
************************
نور كانت محاميه شاطره جدا جالها قضيه خاصه براجل اعمال كبير (فؤاد جابر) وكان متهم فيه بتجارة المخدرات وقدرت نور انه تجيب البراءه فى القضيه وبعد لم الموضوع خلص بفتره عرفت نور انه جابت البرأه لناس هو فعلا تاجر مخدرات وكمان تاجر سلاح
لم عرفت نور قعدت مع نفسها فى مكتبها وقالت طب انا اعمل ايه معقوله انا اجيب البرأه لواحد مجرم بس انا مكنتش اعرف انه فعلا كده طب والحل يانور الحل
فامت نور واخدت شنطتها ونزلت وركبت عربيتها وراحت للنيابه عشان تقابل وكيل النيابه اللى كان مسئول عن التحقيق فى القضيه
ودخلت الى مبنى النيابه
وقالت للحارس ممكن اقابل( محمدكريم ) وكيل النيابه
فدخل الحارس وبلغ وكيل النيابه
فقال له خليها تدخل
فدخلت نور
قام وكيل النيابه وسلم عليه وقال اهلا يااستاذه اتفضلى
فقالت نور متشكره يافندم
فقال محمد خير
فقالت نور انا جايه لحضرتك بخصوص قضيه المخدرات الخاصه بفؤاد جابر
فقال محمد بخصوص ايه القضيه خلصت خلاص
فقالت نور انا جايه لانى اكتشفت انى كونت بدافع عن واحد مجرم مش مظلوم
فابتسم محمد وقال فى سخريه نعم يافندم
فقالت نور لوسمحت بلاش لهجة السخريه انا فعلا معرفش انه مجرم ولم دافعت عنه كان فى ايدى اوراق ومستندات تثبت برأته ودى اللى اشتغلت عليه وحضرتك عارف ان القانون مش بيمشى غير بدليل والمستندات
فقال محمد انا المطلوب منى ايه ؟؟
فقالت نور انا اللى جايه اسأل حضرتك اعمل ايه ؟؟
فضحك محمد وقال فى سخريه جامده
حضرتك عارفه القضيه اللى انتى جيبتى فيها برأه فى شهر انا اشتغلت عليها فتره ادى ايه عشان اقدر اثبت تجارة المخدرات على فؤاد جابر وادخلوا السجن اشتغلت
سنه ونص وخسرت اغلى ناس فى حياتى بسبب القضيه دى مراتى وبنتى قتلهم فؤاد جابر عشان اسيب القضيه جاتى انتى حضرتك فى شهر طلعتيه برأه
ودم مراتى وبنتى ضاع فى الارض بسبك
بلعت نور رقيها وقالت فى حزن انا اسفه بس صدقنى واللهى العظيم مكنت اعرف
فقال محمد الطلوب منى ايه ؟؟
فقالت نور تساعدنى انى افتح القضيه تانى
بصلها محمد وقال نفتح القضيه تانى ليه هى الفلوس اللى اخدتها اتعاب كانت قليله ولا ايه؟؟ ماخدتش فلوس تخسرك خالص
بصتله نور فى غضب وقالت انا اسفه انى جيت لحضرتك وقامت عشان تخرج
وبعدين رجعت وقالت فى غضب انا لو كانت الفلوس تفرق معياوخصوصا لم تكون فلوس حرام مكنتش جيت هناوطلبت مساعدتك وانا اسفه بجد انى جيتلك
وراحت نحاية الباب
فقال محمد لو سمحتى استنى انا اسف بجد اسف بس ارجوكى اعذرنى انا بسبك عشت فتره صعبه فى حياتى
فقالت نور انا اللى اسفه وربنا يصبرك
فقال محمد اتفضلى اقعدى
قعدت نور
وقالت الحل ايه دلوقتى اعمل ايه ؟؟
فقال محمد قضيه مش هينفع تتفتح تانى لانها اتحكم فيه ببرأه
فقالت نور والحل
فقال محمد قضيه تانيه تفتح القضيه الاوله
فقالت نور انا على استعداد انى اعمل اى حاجه
فضغط محمد على الجرس جانبه ودخل العسكرى
فقال محمد هاتلى طارق بيه يابنى
فخرج العسكرى وبعد شويه طرق الباب
ودخل طارق وقال سلاموا عليكم يامحمد بيه خير
فقال محمد وعليكم السلام وعرف طارق على نور
فقال طارق مش حضرتك محامية قضية فؤاد جابر
فقالت نور ايوا
فقال محمد استاذه نورا عايزه تفتح القضيه تانى
فابتسم طارق وقال ليه يعنى خير
فقال محمد اكتشفت ان فؤاد مش مظلوم
فبصله طارق وضحك وقال يعنى ايه ؟؟
فقال محمد يعنى هى شايفه انها دفعت عن انسان فعلا مجرم
فقال طارق طب شئ معروف ان فؤاد جابر احقر واحد فى البلد
فقالت نور انا عارفه انه احقر واحد بس الاوراق والاثبات اللى فى ايدى مكنش بيقول كده على ذلك الاساس اشتغلت القضيه
فقال طارق واضح ان الاتعاب مكنتش كفايه
فقامت نور من مكانه فى غضب وقالت وواضح انى غلطانه انى جيت
انا اسفه وياريت حضرتكم تعتبروا انى مجيتش ولا شفتونى
وبصت لمحمد وقالت وخليك حضرتك وراه كمان سنه ونص وشوف هتخسر مين تانى انا بقى دلوقتى معنديش استعداداخسر اى حاجه
عن اذنكم وفتحت الباب وخرجت
فبص محمد لطارق وقال تفتكر هى عايز ايه ؟؟
فقال طارق اتعاب زياده وضحك ؟؟
فقال محمد مفتكرش لو كان كده كانت راحت وطلبت منه انت عارف هى خرجته من قضيه كان صعب انه يخلص منها
وبعدين كمان هو ضعيف ادام الستات الحلوه كان هيديها عنيه مش فلوس بس
فقال طارق طب وبعدين ؟؟
فقال محمد الست دى ورأه حاجه مش هتيجى هنا من غير متكون متاكده انها صح
فقال طارق تفتكر
فقال محمد الله واعلم بكره نعرف
*********************************
وصلت نور بيتها لقيت محمود قاعد مع سيف
فقال محمود حمد الله على السلامه
فقالت نور الله يسلمك
فال محمود مالك
فقالت نور لسيف سيف حبيبى روح اتفرج على التليفزيون
فقال محمود ايه مالك شكلك متغير
حكت نور لمحمود كل اللى حصل
فقال محمود انتى اتجننتى يانور
فقالت نور لا يامحمود دى فلوس حرام ودى واحد مجرم بيمص فى دم الناس وانا طلعتوا برأه من قضيه اقل حاجه فيها مؤبد
فقال محمود انت عارفه لو عرف الراجل ده اللى انتى عملتيه ممكن يعمل فينا ايه ؟؟
فقالت نور هيعمل ايه يعنى ؟؟
فقال محمود يقتلنا يانور هيخلص منا وبسهوله
فقالت نور انا مقدرش اسكت يامحمود مش هقدر
فقال محمود لو بتحبنى وبتحبى ابنك هتقدرى
بصتله نور وقالت صدقنى مش هقدر اسكت
وانتهت الحلقه على ذلك والى اللقاء فى الحلقه القادمه
واتمنى اسمع رايكم
اعجبني
متابعة
RSS
انتى رائعه
ردحذفبجد انا متحمس اقرا الحبقه 2
رائعه بجد ومتشوقه ان اشوف باقي الحلقات ربنايوفقك
ردحذف