بصيت نور لمحمد ومروه
وقالت انا مش فاهمه حاجه ومعتش عارفه استوعب اى حاجه
فقالت مروه لا افهمى واستوعبى يانور اللى ادامك ده هو اللى قتل مراته وبنته بنفسه
بصيت نور لمحمد فى زهول
فقال محمد متصدقيش كلامها يانور انت عارفه مين الصادق فينا فكرى هى سكرتيرة فؤاد واكيد هى جايه معاكى عشان توقع بينا
ضحكت مروه وقالت انا طب انت كونت بتعمل ايه اول امبارح فى المصنع بتاع الحديد اللى اتقتل فيه جوز نور
فقال محمد انتى واحده مجنونه
فقالت مروه انا سمعت اسمك يومها كتير وسمعت الاتفاق على خطف نور وجوزها وابنها مش كان كله من تخطيطك
وتحب اقولك الخطه ايه ؟؟
فقال محمد كل الكلام ده كدب محصلش
فضلت نور تبص ليهم الاتنين وهى مش عارفه تصدق مين
فقالت اقولك يانور مراته وبنته ماتوا ازاى
بص محمد لمروه بغضب وقال اسكتى
فقالت مروه مراته وبنته عايشين فى اروبا وزى الفل عايشين ومبسوطين وهو كل اجازه بياخده بيروح يقضيها معهم
مقدرتش نور تتكلم
فقالت مروه عارفه بقى مين اللى مات مكانهم واحده ست وبنته مالهمش اى ذنب اتحطوا فى العربيه واترموا من فوق الطريق وانفجرت العربيه وموت فى الوقت ده كانت خرجت مرات محمد بيه وبنته من البلد باسماء مختلفه
قالت نور لمحمد الكلام ده صحيح
فقال محمد لا طبعا متصدقيش واحده زى دى
جهزت مروه المسدس وقالت انا جيت هنا عشان اقتلك
بصتله نور وقالت بلاش جنان يامروه سايبى السلاح ده
فقالت مروه لو نزلت السلاح احنا اللى هنموت يانور
فقالت نور فى حيره انا مش عارفه اصدق مين
فقال محمد صدقنىدى انسانه كدابه
فقالت نوروهى بتصرخ وتعيط اصدق مين فيكم انا ادمرت كفايه انا جوزى
مات وانا قتلت روح بيدى وحياتى ادمرت ومش عارفه اصدق مين مش عارفه اروح فين ولا اعمل ايه
فقالت مروه اللى انتى عايزه تصدقيه صدقيه يانور بس انا مش همشى من هنا قبل مقطع راس الحيه
بصيت نور لمروه وقالت وانا هعرف منين مين راس الحيه فيكم
استغل محمد الفرصه وكان ادمه على الطربيزه طبق زجاج اخده فى سرعه وضرب ايد مروه اللى فيها المسدس فوقع منها على الارض واخد محمد سكينه كانت ادمه على الطبق رحت مروه بسرعه عشان تاخد المسدس مسكها محمد فى قوه وحط السكينه على رقبتها ودبحها
حسيت نور بزهول وخوف وصدمه غير معقوله وجالها رعشه فى جسمها كله
قرب محمد منها بعدت نور عنه فى خوف وفجاه خرج سيف من الاوضه اللى كان نايم فيها بص محمد ليه
رحت نور ناحية سيف بسرعه واخدته لكن للاسف حسيت نور بدوخه شديده ولفت الدنيا بيها
لم شفها محمد كده قال كده تمام مفعول المنوم بداء يشتغل
فقالت نور منوم
فقال محمد انتى فاكره بعض كل الكلام اللى عرفتيه ده هسايبك تخرجى من هنا حيه
فقالت نور يعنى مروه كلامها مضبوط
فقال محمد ايوا مضبوط
فقالت نور وهى بتحول تمسك نفسها وتخمى ابنها ارجوك يامحمد بلاش تضر ابنى
فقال محمد انتو الاتنين معتش ينفع تعيشوا حصلى جوزك حرام تسيبه منتظر كتير فى النار ياحلوه وضحك
وفى سرعه خطف سيف من نور مقدرتش تقاوم واخده وحط السكينه على رقبته
صرخت نور فى هستريا لالالا سيف
وفجأه صحيت نور من النوم وهى بتصرخ لقيت نفسها فى اوضتها وعلى سريرها
مسحت نور وشها فى خوف وهزت راسها فى صدمه
وفجاه دخل محمود وجرى عليها وقال مالك يانور
فضلت نور اصاب نور الصدمه والزهول لم شافت محمد
فقال محمود نور انتى يابنتى انتى متنحه وبترتعشى كده ليه؟؟ ردى عليه
فضلت نور ساكته
فقال محمود نور مالك يانور انتى يابنتى قرب من وشها لقاها لسه متنحه وبترتعش نور
فقالت نور فى صوت ضعيف انت لسه عايش
بصلها محمد فى استغراب ودهشه وقال نعم يااختى اومال ادامك عفريتى
فقالت نور وبدات تعيط انت عايش وسيف ابنى كويس
فقال محمود مالك يامجنونه
فقالت نور انت طلقتنى
فقال محمود فى طريقه مضحكه نعم يااختى طلقتك حصل ده امته ان شاء الله واطلقك ليه انا مصدقك اجوزك اصلا اقوم اطلقك
بس تصدقى انا كونت ناوى اطلقك امبارح باليل عشان معرفتش انام منك انتى كونتى بتحاربى وانتى نايمه يانور انا طفشت منك روحت نمت جانب سيف
اترمت نور فى حضنه فجأه وعيطت فقال محمود فى حنان ملك يانور على الصبح
فقالت نور كابوس كابوس طويل ومخيف اوى اوى
فقال محمود طالما انا طلقتك وكمان موت فيه يبقى طبعا كابوس
حضنته نور بقوه وقالت متسابنيش ابدا انا من غيرك ولا حاجه
فقال محمود لو هيفضل نومك باليل بطريقه دى يبقى انا هسايبك وانام مع سيف
وقومى بقى عشان اروح الشغل وانتى تروحى شغلك وسيف يروح الحضانه
وبص لنور وقال فى حب انا معاكى ومش ممكن اسايبك ابدا سامعه حتى لو موت وسابت الدنيا برده هفضل معاكى
فقالت نور ربنا يخليك ليه وميحرمنيش منك ابدا
فقال محمود ويخليكى ليه وتبطلى تموتنى فى كوابيسك
فضحكت نور
فقال محمود ايوا كده روقى لو ده كابوس وممكن يتحقق محدش بيهرب من القدر
فقالت نور لاان شاء الله مش هيحقق
فقال محمود طب قومى بقى عايزين نفطر انا عندى شغل وانتى عندك قضيه فى المحكمه
فقالت نور حاضر وقامت عشان تخرج
فقال محمود نور
فقالت نور ايوه
فقال محمود هو انا موت ازاى فى الكابوس
بصتله نور وقالت احسن انك متعرفش
فقال محمود اه يبقى موته منيله بنيله روحى يأم سيف اعملى الفطار ومتنسايش تعملى النسكافيه
فقالت نور حاضر
وخلصوا ولبسوا ونزلوا راح سيف الحضانه ونور المحكمه ومحمود شغله
خلصت نور القضيه بتاعته
ووقفت تتكلم مع المساعده بتاعتها فى المكتب كانت الساعه 12 الظهر
جاه واحد وقال استاذه نور مساء الخير
فقالت نور مساء النور
فقال الراجل انا على من طرف فؤاد بيه جابر اللى كلم حضرتك اول امبارح
اصاب نور الارتباك وقالت اهلا وسهلا خير
فقال الراجل هو طالب يشوف حضرتك
افتكرت نور اللى حصل فى الحلم وسرحت
فقال مساعدة نور مالك يااستاذه
مرديتش نور
فقالت المساعده استاذه نور
فقالت نور ايوا
فقال الراجل حضرتك هتيجى معيا
فقالت نور لا معلش انا بعتذر مش هقدر امسك القضيه دى بلغ فؤاد بيه اعتذارى وقوله انا مسافره الفتره دى معلش يشوف محامى غيرى
فقال الراجل هبلغوا عن اذنك
فقالت المساعده ليه كده يامدام دى القضيه دى مهمه بالنسبه للمكتب جدا
فقالت نور مش مهم المهم اسرتى وحياتى
فقالت المساعده مش فاهمه
فقالت نور مش مهم تفهمى لسه فى حاجه تانيه ورانا
فقالت المساعده لا خلاص
فقالت نور انا هروح وانتى كمان روحى مفيش مكتب انهارده
فقالت المساعده امرك ومشت
فقالت نور استنى
فقالت المساعده ايوا فتحت نور الشنطه وطلعت فلوس واديتها ليها
قالت دى اتعابك من قضيه انهارده
بصت المساعده للفلوس وقالت بس دول كتير
فقالت نور دى فلوس القضيه ومرتبك وشهر مكفأه يلى روحى شوف بيتك وعيالك
فقالت المساعده متشكره متشكره اوى ومشيت
ابتسمت نور كنوز الدنيا متسويش انى اخسر جوزى او ابنى
عديت على الحضانه اخدت سيف وروحت حضرت الغداء
وبعد 3 ساعات وصل محمود للبيت
دخل لقى الشقه ضلمه حول يفتح النور مفتحش
فقال هو النور قطع ولا ايه بص على السلم لقى الشقه اللى ادمه منوره
فقال دى قاطع عندى لوحدى
وقفل الباب وقال يانور ياسيف انتو هنا
محدش رد عليه
فقال محمود معقوله لسه نور موصلتش طب وسيف مجاش من الحضانه يخبر الساعه كام
فتح الموبيل وبص فى الساعه وقال الساعه 4 ونص
وفجاه سمع صوت جواه
فقال فى قلق نور سيف انتو هنا
وشغل كشاف الموبيل ودخل الشقه فى حذر
وهو بينادى نور انتى هنا ياحببتى
محدش رد عليه
اتصل على رقم نور جرس محدش بيرد
فقال راوح فين دول
فسمع صوت جاى من الصالون راحت ناحيته وفتح الباب
وفجأه نور النور وبص محمود وراه لقى نور واقفه
وكانت فى غايه الرونق والجمال
فقال نور انتى كونتى فين خوفتنى ؟؟
فقالت نور ليه وانا بخوف
فقترب محمود وقال دى انا اللى بخوف ايه الحلوه دى ياواد
فقالت نور واد طب تعالى ياجوز الواد واخدت ايده
فقال محمود راحه فين؟؟
دخلت نور الصالون وقالت كل سنه وانت طيب وعقبال مليون الف سنه وانت معيا وجانبى
فقال محمود دى انهارده قاطعته نور وقالت عيد ميلادك
فقال محمود انتى تموتنى الصبح وتعلملى عيد ميلاد العصر انا متجوز محنونه
فقال نور بعيد الشر عنك متقولش كده دى كان كابوس وان شاء الله مش هيتحقق ونعيش مع بعض لحد منعجز والسنان تقع ونجوز سيف
فقال محمود مش قبل منجوز سيف نخويه الاول نجيب اتنين ثلاته غيروا ولا ايه ياقمر
فقالت نور وهى بتبتسم بدلال انت معزوم انهارده على العشا انت والاستاذ سيف وبعد كده نبقى نفكر نجيب اخ لسيف
فقال محمود وانا لسه هستنا لم اتعزم على العشاء احنا نجيب اخ ليه حالا وفورا
وشال نور فجأه فقالت نور لا استنا الحاجات دى لزم تتحط فى الثلاجه التورته والجاتوه هيبوظوا
فقال محمود يبوظوا فداء عيون ام سيف
وجرى على اوضه النوم فضحت نور وقالت يامجنون
وبعد ساعه ضرب جرس الباب
لبس محمود الروب وخرج عشان يشوف مين وفتح الباب
لقى شخص فقال الشخص ده مساء الخير
فقال محمود مساء النور
فقال الشخص شقة الاستاذه نور
فقال محمود ايوا حضرتك مين؟؟
فقال الشخص انا فؤاد جابر ممكن اقابل الاستاذه
فقال محمود لحظه ابلغها اتفضل
دخل محمود لنور قفالت نور مين ؟؟
فقال محمود واحد بيقول اسمه فؤاد جابر وعايزك
وقفت نور فجأه ساعة مسمعت الاسم وقال فؤاد جابر
فقال محمود ايوا
فقالت نور طب انا هغير هدومى واخرج حالا
فقال محمود وانا هروح اقدم له حاجه
فقالت نور وهى بتبلع ريقها فى قلق طيب
وبعد شويه خرجت نور لقيت محمود قاعد يتكلم مع الراجل
فقالت اهلا وسهلا يافندم وسلمت عليه وقعدت
فقال فؤاد اسف انى جيت لحضرتك البيت بس انا روحت المكتب لقيتوا مقفول
فقالت نور لا مفيش حاجه شرفتنا خير
فقال فؤاد سمعت انك رفضتى القضيه بتاعتى ممكن اعرف السبب
فقال نور انا مسافره 3 اسابيع ومش هحلق ميعاد جلسة القضيه
بص لها محمود بستغرب بصيت نور ليه
وبعدين بصيت لفؤاد
وقالت مسافره انا وجوزى عشان نستجم شويه ونرتاح من تعب الشغل فى محاميين غيرى ممكن يقبلوا القضيه
فقال فؤاد بس مفيش محامى شاطر زايك
فقالت نور لا والله فى كتير
فقال فؤاد لو على الاتعاب اللى انتى عايزه هدفعوا من جنيه لمليون جنيه
فقالت نور مش موضوع اتعاب بس انا محتاجه ارتاح من الشغل شويه
فقال فؤاد يعنى دى اخر قرار يااستاذه
فقالت نور ايوا
فقام فؤاد وقال اللى يريحك ياستاذه وفرصه سعيده وسلم على محمود وخرج وقفل محمود الباب وراه
ةبعدين راح نور وقال هو فى ايه وسفر ايه اللى بتكلمى عنه
فقالت نور مفيش سفر ولا حاجه بس انا مش عايزه امسك القضيه دى
فقال محمود وهو يبتسم خلاص انتى حره دى شغلك بس اتمنى انك متهربيش من عزومة العشاء كمان
فقالت نور لا مش هرب انت اللى هتدفع اهرب انا ليه
فقال محمود انا اللى هدفع يعنى كانت عزومة مركبيه منك طيب ماشى
فقالت نور ها هنخرج فقال محمود هنخرج بس بعد معضك الاول وجرى وراه نور
فقالت نور وهى بتجرى يامجنون
مسكها محمود فقالت نور خلاص هعزمك بس سابنى
فقال محمود لا مش هسايبك
وخرج سيف من الاوضه لم شافه محمود ساب نور
فقال محمود مساء الخير ياكابتن سيف
فقالت نور حبيب قلب ماما
فقال سيف انا عايزه جاتوه
فقال محمود فى طريقه مضحكه عايزه جاتوه
فقالت نور بس كده ياروحى اجيبلك كل الجاتوه
فقال محمود يابختك بدلع ياعم
فقالت نور انت مش بتشبع دلع ابدا
فقال محمود اه بدلع حتى مدبس فى العشاء الليله
فقالت نور يابخيل
فقال محمود انا بخيل طب ايه رايك هنتعشى وكمان مش هطلعك كدابه
فقالت نور يعنى ايه؟؟
فقال محمود عند حجز اسبوعيين فى شرم الشيخ
فقالت نور فى فرح انت بتكلم جد
فقال محمود كونت عاملها مفجأه
حضنتها نور وهى فرحانه فضحك محمود وقال بتاعت مصلحتك انتى
ضحكت نور وقالت مصلحتى هى مصلحتك وسعادتى فى سعادتك وسعادة ابنى
فقال محمود وانا دنيتى من غيرك مالهاش لزمه وبحبك يادزمه
فقالت نور دزمه نفسى فى مره تكمل كلامك من غير طولة لسان
وسافروا سرم الشيخ وقضت نور اسبوعيين فى ايه الجمال والسعاده
وانتهت القصه على دلك والى اللقاء فى قصه اخرى
مع تحياتى
ولاء السيد
اعجبني
متابعة
RSS
روعه جميله ونهايه سعيده جدا
ردحذفتسلم نهايه جميله اوي انتى وخداها من فلم اجنبى
ردحذف