قتل بلا رحمه حلقه (6)

وبعد ساعتين فتحت نور عنيها وهى حاسه بألم شديد فى راسها وحولت تتحرك لكن لقيت حاجه بتمنعها  بصيت حوليها لقيت نفسها فى اوضه وحوليها ناس فقالت نور فى استغراب انا فين ؟؟

فقال واحد من اللى واقفين فى الحفظ والصون يا استاذه  

فقالت نور انتو مين وايه اللى جابنى هنا ؟

فقال الراجل انتى هنا فى مصنع حديد واللى جابك هنا احنا ومكنش صعب اننا نجيبك خصوصا انك كونتى فاقده الوعى  اللى تعبنا بس الاستاذ محمود عما قدرنا نسيطر عليه 

فقالت نور انت عايز ايه وابنى فين ؟

فقال الراجل ابنك هناك وشاور لنور على مكان ابنها 

بصت نور وجالها صدمه ورعب شديد لم شافت ابنها متعلق فى الهواء 

فقالت فى فزع ابنى ؟؟

فقال الراجل ولوبصيتى هناك هتلقى جوزك برده

دورت نور وشها لقيت محمود كمان متعلق  فوق  فنطاس كبير  وطالع منه زى دخان

فقالت نور انت عايز ايه ؟

فقال الراجل عارفه الفنطاس اللى جوزك متعلق فوقه ده  جواه ايه ؟؟

فقالت نور لامعرفش 

فقال الراجل حديد سايح يعنى زى حمم البركان كده  يعنى لو نزل فيه هيدوب زى الشيكولاته 

فقالت نور انت عايز ايه بالضبط منى ؟؟

فال الراجل طلب صغير انتى قولتى ان عندك ورق يخص فؤاد بيه انا بقى عايز الورق ده

ابتسمت نور فى سخريه 

قالت مفيش ورق 

فقال الراجل بلاش ابتسامة السخريه دى عشان هخليها دموع بتغلى على خدودك الحلوه دلوقتى

فقالت نور قولتلك مفيش ورق  

بص الراجل لواحد واقف بعيد وقال نزلوا يابنى 

فقال محمود فى صوت مرتفع ورعب لالالا 

فقالت نور قولتلك مفيش ورق ولا دليل ولا غيروا  

فقال محمود الحقنى يانور 

فقالت نور وهى بتبص على محمود فى توتر وخوف واللهى العظيم مافى ورق ولا غيروا 

وفجأه سمعت صوت صرخت ألم شديده  توقف معها نبض قلبها كان صوت محمود بعض موقع مره واحده فى الحديد السايح

فقالت نور وهى بتصرخ محمود ياولاد الكلب وعيطت فى ألم وخوف

فقال الراجل الدور على ابنك  هيحصل ابوه 

فقالت نور لا ابنى لا واللهى العظيم مفيش ورق ولا غيروا وحياة ابنى مفيش ورق ولا اى حاجه  دى كلام انا قولته بس عشان اجيب فؤاد جابر لحد عندى

فقال الراجل طب وليه اللعب بنار ياستاذه  

بصتله نور فى خوف

فقال الراجل اللعب بنار له جزاء اتحملى جزاك بقى وشاور للرجال التانى ورفع الحبل المربوط سيف فيه وبيوجهوا نحايه فنطاس الحديد

كان سيف بيعيط وخايف وكان بيقول كلمة ماما كانت بتقطع فى قلب نور

فقالت نور ابنى لا ارمنى انا مكانه ابنى لا لا 

لم اقترب سيف من الفنطاس صرخت نور فى هستريا لا سيف لا  وحولت تتحرك من مكانها  لكن مقدرتش  وصل سيف لفنطاس ادام عيون نور وهى مش قادره تعمل حاجه وصوت عياط سيف هيوقف قلبها 

وبدا ينزل سيف ويقرب من الحديد 

فقدت نور وعيها من كتر الحسره اللى كانت حاسه بيه 

شاور الراجل للماسك الحبل انه يوقف  وينزل سيف وفك نور وشالها ودخله فى اوضه فى المصنع ودخل معها سيف وقفل الباب

راح سيف عند نور وحط ايده على وشها وقعد يعيط 

لم سمعت نور عياط سيف قريب منها فتحت عنيها فجأه ولم شافت سيف اخدته فى حضنها  وقالت ياحبيبى  وعيطت فى شده 

فقال سيف انا خايف ياماما 

فقالت نور متخافش ياقلبى انا معاك متخافش  

وفاتت ساعه وبعدين اتفتح باب الاوضه ودخل فؤاد جابر 

وقال فى سخريه ازيك يااستاذه  ؟

فقالت نور انا مستعده اعملك اى حاجه انت عايزه بس ابنى محدش يمس منه شعره

فقال فؤاد كان من الاول يااستاذه كان من الاول ليه تعذبنى وتعذبى نفسك

فقالت نور لو على حياتى مش هتفرق انا خايفه على ابنى

فقال فؤاد طب وجوزك ميهمكيش

فقالت نور الله يرحموا وينتقم من اللى قتلوا بطريقه دى

فقال فؤاد لحد دلوقتى يااستاذه انا محترم معاكى وبتعامل بأدب لكن انتى لسه متعرفنيش

فقالت نور ولا انت كمان لسه تعرف نور

فقال فؤاد تعجبنى اوى الست العنيده بس ياريت يكون مع العناد فى زكاء وعشان كده هطلب طلب غريب هتستغربى منه جدا 

فقال نور خير

فقال فؤاد عايز اتجوزك

بصتله نور فى استغراب وقالت انت مريض نفسى وعايز علاج

حس فؤاد بالغضب من كلامها رفع ايده وضربها على وشها

رفعت نور راسها  بكبرياء وقالت مش قولتلك مريض 

نادى فؤاد فى غضب على الراجل اللى بره ولم دخل قاله خد الواد علقه زى مكان

مسكت  نور سيف وقالت لا ابعد عنه  واخد الولد غصب عن نور وفى سرعه لقيت نور حديده على الارض اخدتها وضربت الراجل على دماغه واخدت سيف منه 

ومسكت الحديده فى غضب وقالت اللى يقرب من ابنى هقتلوا

وانتهت الحلقه على ذلك والى اللقاء فى الحلقه القادمه

اتمنى اسمع رايكم